Rossiya qator davlat fuqarolarining o‘z hududiga kirishini “blokladi”
Ushbu taqiq 28 noyabrdan kuchga kiradi.
Bu haqda Rossiyada koronavirus tarqalishiga qarshi kurash bo‘yicha bosh tezkor shtab maʼlumot berdi.
Qayd etilishicha, Rossiya yakshanba kunidan boshlab Gonkong, Janubiy Afrika Respublikasi va janubiy Afrikaning boshqa davlatlari – Botsvana, Lesoto, Namibiya, Zimbabve, Mozambik, Madagaskar, Esvatini va Tanzaniya kabi davlatlarning fuqarolari mamlakat hududiga kirishida cheklovlar o‘rnatildi.
Bundan tashqari, Janubiy Afrika, Gonkong va Afrikaning 8 ta davlatidan xorijliklarning tashrifi ham man qilindi.
Mazkur chora-tadbirlar В.1.1.529 deb nomlangan koronavirusning yangi shtammining paydo bo‘lishi oqibatida sodir bo‘ldi. Shuningdek, Buyuk Britaniya, Belgiya, Isroil va Xitoydan qaytgan sayyohlar Covid-19 uchun test topshiradi.
Eslatib o‘tamiz, avvalroq Singapurda koronavirusga qarshi emlanmaganlarga nisbatan yangi cheklovlar joriy etilgani hamda Bayden AQSHning koronavirusga qarshi vaksinalarni beg‘araz yordam berayotgani xabar qilingandi.
Cho‘lponoy Ahmedova
