Оmicron shtammi tufayli Yaponiya bosh vaziri AQSHga bormaydi
Qo‘shma Shtatlardagi epidemik vaziyatni inobatga olib, Kisida tashrifni 2022-yilga ko‘chirish haqida o‘ylamoqda.
Yaponiya bosh vaziri Fumio Kisida COVID-19‘ning Omicron varianti tarqalishi sababli dekabr oyiga rejalashtirilgan AQSHga tashrifini keyinga qoldirishi mumkin, deb xabar berdi NHK.
Omicron‘ning tez tarqalishi, shuningdek, Qo‘shma Shtatlardagi epidemik vaziyatni inobatga olib, Kisida tashrifni 2022-yilga ko‘chirish haqida o‘ylamoqda, deyiladi xabarda.
Avvalroq, Kisida va AQSH prezidenti Jo Bayden Glazgoda bo‘lib o‘tgan BMT iqlim sammiti doirasida Yaponiya bosh vazirining dekabr oyidagi tashrifi bo‘yicha kelishib olgan edi. Yaponiya ommaviy axborot vositalarining xabar berishicha, davlat rahbarlari o‘zaro manfaatli masalalarni, shuningdek, Xitoy masalasini batafsil muhokama qilishni rejalashtirgan.
Avvalroq, Qo‘shma Shtatlarning 12 ta shtatida koronavirusning ushbu varianti aniqlangan edi. Hukumat epidemik vaziyat tufayli qattiq choralar ko‘rishga tayyorlanmoqda.
