Odil Ahmedovga “Arsenal” klubi qiziqqani rostmi?
Hozirda O‘zbekiston terma jamoasining sobiq sardori Xitoyning “Sanchjou Mayti Layons” klubida to‘p surmoqda.
“Terma jamoamiz bilan Osiyo chempionatida ishtirok etganimdan so‘ng “Anji” klubiga o‘tganman. Jamoa transferimni to‘laligicha sotib olganidan keyin, 4 yillik shartnoma imzoladim. Bir mavsum yakuniga yetganidan so‘ng, Angliyaning “Arsenal” klubidan taklif tushgan. Shunda “Anji” rahbari Suleyman Kerimov meni yoniga chaqirib, uning loyihasidagi kerakli inson ekanligimni aytgan va meni boshqa jamoaga qo‘yib yubormasligini maʼlum qilgan. Agar chempionlikka erishsak, meni tekinga qo‘yib yuborishini aytgan. Shu tariqa “Arsenal” to‘g‘risida boshqa gap-so‘z bo‘lmagan. Futbolda ko‘p narsa o‘yinchining o‘ziga bog‘liq emas. U biror bir jamoaga o‘tishi uchun klublar o‘zaro gaplashib olishi, agentlar kelishishi lozim”.
Avvalroq “Nasaf” klubi endi futbolchi sotib ololmasligi va milliy terma jamoamiz yirik hisobda g‘alaba qozongani haqida xabar berilgandi.
Jamshidbek Amirov
