"Qizil iblislar"ning o‘yini qoldirilishi mumkin
"Manchester Yunayted" jamoada koronavirus tarqalishi bo‘yicha bayonot berdi.
Klub kasallikning keyingi tarqalish xavfini minimallashtirish uchun mashg‘ulotlar bazasini bir kunga yopishini eʼlon qildi. Testdan ijobiy o‘tgan futbolchilar izolyatsiya qilindi.
"Mashg‘ulotlarning bekor qilingani va jamoada o‘yinchilar va xodimlarning sog‘lig‘ini hisobga olgan holda, klub seshanba kuni "Brentford"ga qarshi o‘ynash xavfsizmi yoki yo‘qligini premyer-liga bilan muhokama qilmoqda.
Jamoa va xodimlarning Londonga safari ushbu muhokama natijalari qabul qilinmaguncha qoldiriladi", - deyiladi "mankunianliklar" bayonotida.
Ma'lumot uchun: ayni damda "Manchester Yunayted" klubi Angliya premyer-ligasida 27 ochko jamg‘argan holda turnir jadvalida 5-o‘rinni egallab turibdi.
Avvalroq, Markus Reshford Manchester universiteti tarixidagi eng yosh faxriy doktorga aylangani va Krishtianu Ronaldu "Manchester Yunayted"dan ketmoqchiligi haqida xabar berilgandi.
Жамшидбек Амиров
