Britaniya hukumati Afg‘on xalqi uchun xayriya tashkilotlariga ikki baravar ko‘p yordam bermoqda
BMT tuzilmalari orqali 165 million dollar miqdoridagi gumanitar yordam tarqatilgan.
Britaniya hukumati “Tolibon” radikal harakati jangarilari mamlakatda hokimiyatni qo‘lga kiritganidan so‘ng, ochlik xavfi ostida qolgan Afg‘oniston aholisiga yordam berish uchun mablag‘ yig‘ishda xayriya tashkilotlarini qo‘llab-quvvatlamoqda.
Bu haqda Buyuk Britaniya tashqi ishlar vazirligi xabar berdi.
Britaniya Tashqi ishlar vaziri Liz Truss ushbu yordamdan asosiy maqsad haqida gapirdi:
“Britaniyaliklar aql bovar qilmaydigan saxiylik ko‘rsatdi. Birlashgan Qirollik Afg‘oniston xalqi uchun qo‘lidan kelgan barcha ishni qilishga bel bog‘ladi. Biz bu yo‘l bilan hayotni saqlab qolish, ayollar va bolalarni himoya qilish va mintaqada barqarorlikni taʼminlash uchun yordamimizni ikki baravar oshirdik”.
Notinch siyosiy muhitda, iqtisodiy inqiroz, qurg‘oqchilik, oziq-ovqat tanqisligi va pandemiya sharoitida yashayotgan afg‘onlarga gumanitar yordam ko‘rsatish uchun Buyuk Britaniya o‘zining 13 ta eng yaxshi xayriya tashkilotlarini xayriya qilishga chaqirdi.
Ushbu tashkilotlar Afg‘onistondagi vaziyat qishda 8 million odam ochlik tahdidi va keyingi 3 oyda 5 yoshgacha bo‘lgan 1 millionga yaqin bolaning o‘limi xavfi bilan bog‘liq holda “shoshilinch chora ko‘rishni” talab qilishini taʼkidladi.
Britaniya hukumati avgust oyida “Tolibon” hokimiyatni egallab olganidan keyin 2021 yilda 378 million dollardan ko‘paygan afg‘on aholisiga kengroq yorda berish maqsadida 13,2 million dollar ajratadi.
Maʼlumot uchun: shu yil bahorda AQSH o‘z qurolli kuchlarini Afg‘onistondan olib chiqib ketishini eʼlon qilganidan so‘ng, “Tolibon” Afg‘oniston ustidan nazorat o‘rnatish bo‘yicha keng ko‘lamli operatsiya boshlagandi.
15 avgust kuni radikallar Kobulga jangsiz kirishadi, prezident Ashraf G‘ani esa respublikani tark etdi. 6 sentyabr kuni "Tolibon" butun Afg‘oniston hududi ustidan nazorat o‘rnatganliklarini eʼlon qiladi, 7 sentyabrda esa qonuniyligi hali hech bir davlat tomonidan tan olinmagan muvaqqat hukumat tarkibini eʼlon qilgan edi.
Eslatib o‘tamiz, avvalroq “Tolibon”ga BMT Bosh Assambleyasida o‘rin berilmasligi hamda Termizda Afg‘onistonga yordam berish maqsadida maxsus logistik markaz tuzilgani haqida xabar berilgandi.
Cho‘lponoy Ahmedova
