Saudiya Arabistoni va Yaman o‘rtasida keskinlik: tomonlar bir-biriga zarbalar bermoqda
Saudiya Arabistoni husiylar nazorati ostida bo‘lgan Sano shahriga zarba berdi. Bunga javoban husiylar Saudiya Arabistonining yirik neft-gaz koniga hujum qildi.
3–4 oktyabr kunlari Saudiya Arabistoni va Yamanning husiylar harakati o‘rtasidagi qarama-qarshilik yana-da keskinlashdi. Saudiya Arabistoni Qurolli kuchlari Yaman poytaxti Sano shahriga hujum uyushtirdi. Sano shahri ayni paytda husiylar nazorati ostida hisoblanadi.
Bunga javoban husiylar Saudiya Arabistonining yirik neft-gaz koni bo‘lgan “Haris”ga hujum qilgan. Shuningdek, Sharq–G‘arb neft quvuri hamda Ar-Riyod shahridagi neftni qayta ishlash zavodiga yangi zarbalar bergan.
Sunʼiy yo‘ldoshdan olingan tasvirlar “Haris” konidagi neft-gaz infratuzilmasiga zarar yetganini tasdiqlagan. Ar-Riyoddan olingan yangi videolavhalar neftni qayta ishlash zavodi yong‘in ichida qolganini ko‘rsatmoqda.
Maʼlumot uchun, Sharq–G‘arb neft quvuri Saudiya Arabistoni uchun strategik ahamiyatga ega. Taxminan 1,2 ming kilometr uzunlikdagi ushbu tizim mamlakat sharqidagi neft konlarini Qizil dengiz sohilidagi Yanbu porti bilan bog‘laydi. Quvur Saudiya neftini Fors ko‘rfazidan Hurmuz bo‘g‘ozi orqali olib o‘tmasdan eksport qilish imkonini beradi.
Eslatib o‘tamiz, bundan avvalroq ham Yaman husiylari Saudiya Arabistoni poytaxti Ar-Riyoddagi «Saudi Aramco» neft majmuasiga hujum uyushtirgan edi.
