Olimpiya o‘yinlariga o‘zgartirish kiritildi
Parij-2024 Olimpiya o‘yinlarida og‘ir atletikaning vazn toifalari qisqartirildi.
Sportchilar Tokio-2020 Olimpiadasida 14 vaznda (erkak va ayollarda 7 tadan toifa) bellashishgan bo‘lsa, Parij-2024 da bu toifalar qisqarmoqda.
Yangi toifada erkaklar va ayollardagi eng og‘ir vaznlar o‘zgartirildi. Unga ko‘ra, bo‘lajak Olimpiya o‘yinlaridagi vazn toifalari quyidagi ko‘rinishga kelmoqda:
Erkaklar: -61 kg, -73 kg, -89 kg, -102 kg, +102 kg
Ayollar: -49 kg, -59 kg, -71 kg, -81 kg, +81 kg
Eslatib o‘tamiz, ushbu sport turi bo‘yicha hamyurtlarimiz Ruslan Nuridinov -105 kg, Akbar Jo‘rayev -109 kg vazn toifalarida Olimpiyada chempionligini qo‘lga kiritishgan edi. Endi Parij-2024 da ushbu vazn toifalarida bellashuvlar o‘tkazilmaydi.
Avvalroq, og‘ir atletika bo‘yicha jahon chempionatining ilk g‘oliblari aniqlangani va Akbar Jo‘rayev jahon chempionligini qo‘lga kiritgani haqida xabar berilgandi.
Jamshidbek Amirov
