Qozog‘iston bilan O‘zbekiston o‘rtasida yangi yo‘l ochiladi
Ushbu yo‘l Markaziy Osiyo davlatlarini Rossiya bilan bog‘laydi.
Qozog‘istonning Qizilo‘rda va O‘zbekistonning Uchquduq shaharlari o‘rtasida 280 kilometrlik yangi magistral yo‘l qurilishi rejalashtirilmoqda.
Dekabr oyida ikki davlat vakillari Qizilo‘rda-Uchquduq avtomobil va temir yo‘l qurilishi rejasini imzolagan. Magistral yo‘lning umumiy uzunligi 280 km ni tashkil etib, uning 140 kilometri Qozog‘iston hududidan o‘tishi kutilmoqda.
2024−2025 yillarda yo‘lning texnik-iqtisodiy asoslarini ishlab chiqish, 2025-yildan esa ikki-uch yil ichida yo‘l qurilishini boshlash rejalashtirilgan.
Avtomobil yo‘li qurilishining smeta qiymati 75 mlrd tenge (173 mlr dollar), jumladan, nazorat-o‘tkazish punkti qurilishi uchun 5 mlrd tengeni tashkil etadi.
Mazkur yo‘lning Markaziy Osiyo davlatlarini Qozog‘istonning janubiy, markaziy va shimoliy hududlari orqali Rossiya bilan birlashtirishi kutilmoqda. Yo‘l Qizilo‘rda — Jezqazg‘on — Pavlodar — Rossiya chegarasi xalqaro koridorining bir qismi bo‘ladi.
