Ayrim hududlarda maktab o‘quvchilari uchun bepul ovqat beriladi
Bu O‘zbekistonning 2022—2026-yillarga mo‘ljallangan taraqqiyot strategiyasida ko‘rsatib o‘tilgan.
Qoraqalpog‘iston Respublikasi va Xorazm viloyatida birinchi-to‘rtinchi sinf o‘quvchilarini Davlat byudjeti mablag‘lari hisobidan bepul ovqat (nonushta yoki tushlik) bilan ta’minlash yo‘lga qo‘yiladi.
Xalq ta’limi vazirligi uch oy muddatda 2022-yil 1-apreldan boshlab bepul ovqat bilan ta’minlashni tashkil etish bo‘yicha qaror loyihasini Vazirlar Mahkamasiga kiritadi.
Ajratiladigan mablag‘lar sarflanishi ustidan kuchli jamoatchilik nazoratini o‘rnatish va korrupsiyaviy omillarning oldini olish bo‘yicha aniq mexanizmlar ishlab chiqiladi.
Avvalroq 2022-yilda o‘qituvchi va shifokorlarning ish haqi oshirilishi haqida xabar berilgandi.
