Bloomberg dunyoning eng boy odamini eʼlon qildi

 

Eng boy odamlarning reytingini eʼlon qilishni yoqtiradigan Bloomberg Billionaires Index(BBI) nashri o‘z amaliga sodiq qolgan holda dunyoning eng boy odamlari ro‘yxatini tuzdi. Jadval iyul oyida Forbes jurnali eʼlon qilgan ro‘yxatdan mutlaqo farq qiladi.

 

Reytingning eng yuqori o‘rnida “eng boy odam” deb taʼriflanayotgan shaxs, Ilon Mask joy olgan. Tesla hamda SpaceX direktori joriy yil 33.8 milliard dollar foyda ko‘rgan. Ayni vaqtda uning umumiy boyli 304 mlrd. dollarni tashkil qilmoqda.

 

Qiziq fakt: Maskga Kaliforniya qonuni bo‘yicha eng kam ish haqi to‘lanadi.

 

Keyingi o‘rinda o‘tgan yilning iyul oyida dunyoning eng boy odami deb topilgan inson, “Amazon” kompaniyasi asoschisi Djeff Bezos joylashgan. Bezos 2021 yilda 3.71 mlrd. dollar sof foyda oldi. Tahlilchilarning hisob-kitobiga ko‘ra, hozirda “Amazon” onlayn do‘koni ho‘jayini 196 mlrd. dollar qiymatdagi mol-dunyo egasi hisoblanadi.

 

Fransiyaning eng boy odami hisoblanadigan shaxs, Bernar Arno esa umumiy 177 mlrd. dollar boylik bilan uchinchi o‘rinni band qilgan. Dunyodagi eng yirik hashamatli mahsulotlar ishlab chiqaruvchi “LVMH” kompaniyasi egasi bo‘lgan Arno o‘tgan yil hisobiga ko‘ra 1.14 mlrd. dollar ziyon ko‘rgan.

 

Eng boy beshlikni Bill Geyts(137 mlrd. dollar) hamda Larri Peydj(129 mlrd. dollar) yakunlagan.

 

“Meta”(Feysbook) asoschisi Mark Sukerberg esa umumiy 126 mlrd. dollar bilan ro‘yxatning 6-pog‘onasidan joy olgan.

 

Qiziq fakt: Maktabda o‘qib yurgan vaqtlari Sukerbergga Microsoft‘dan ish o‘rni taklif qilishgan, ammo Mark buni rad etgan.

 

Maʼlumot uchun, eng ko‘p tilga olinadigan milliarderlardan biri Jek Ma bu safargi boylar reytingida 34-o‘rinni band qilgan. Uning umumiy boyligi 38,6 mlrd. dollar deb baholangan.

 

Avvalroq O‘zbekiston armiyasi jahon reytingida nechanchi o‘rinda ekanligi haqida xabar berilgandi.

 

Olamgir Abdiyev