Soliq mobil ilovasida chek QR-kodini skanerlab 1% keshbekka ega bo‘lish imkoni yaratildi
Mablag‘ jismoniy shaxslarning bank kartalariga oy yakuni bilan qaytariladi.
Bu haqda “Soliq xizmati xabarlari” Telegram kanalida xabar berildi.
2022-yil 1-yanvardan chakana savdo, umumiy ovqatlanish va aholiga maishiy xizmat ko‘rsatish obyektlarida amalga oshirilgan xarid uchun berilgan onlayn nazorat-kassa texnikasi cheklari QR-kodi orqali qo‘shimcha mablag‘ga ega bo‘lishi mumkin.
Unda mobil ilovani skanerlash orqali ro‘yxatdan o‘tkazgan jismoniy shaxslar xarid summasidan 1 % keshbekka ega bo‘ladi.
Avtomobil sotib olganlik, temir yo‘l va avia chipta xaridi, kommunal va aloqa xizmati uchun to‘lovlar amalga oshirilganda olingan xarid cheklari uchun keshbek qaytarilmaydi.
Eslatib o‘tamiz, avvalroq mahsulot sotib olgan xaridorga xarid summasining 1 foizi qaytarilishi hamda 25 yoshdan oshmagan xodimlar uchun ijtimoiy soliq summasi davlat byudjetidan qoplanishi haqida xabar berilgandi.
Cho‘lponoy Ahmedova
