Yaponiya va Avstraliya o‘rtasida yangi harbiy kelishuv imzolanadi
Kelishuv 6 yanvar kuni eʼlon qilinadi.
Avstraliya va Yaponiya mudofaa sohasida yangi shartnoma imzolamoqchi. Bu haqda avstraliya bosh vaziri Skott Morrison maʼlum qildi.
Unga ko‘ra, 6 yanvar kuni ikki davlat hukumat rahbarlari virtual uchrashuvida ushbu kelishuv imzolanadi.
"Shartnoma Yaponiya va Avstraliya o‘rtasidagi mudofaa hamkorligida yangi sahifa ochadi hamda bizning Tinch-Hind okeani mintaqasidagi yangi chaqiriqlarga qarshi turishga yordam beradi", — degan u.
Morrison shartnoma Tokio va Kanberra qurolli kuchlari o‘zaro qo‘shma mashg‘ulotlar yoki harbiy taʼlim berishga imkon berishini qayd etdi.
Avvalroq 1 yanvardan boshlab Tinch okeani mintaqasida tarixdagi eng yirik savdo kelishuvi ishga tushgani haqida xabar berilgandi.
Jahongir Qo'ziyev
