2022-yil Polsha sportida ko‘plab muvaffaqiyatlarga boy bo‘lishini tilayman - Robert Levandovski
"Polshada yilning eng yaxshi sportchisi" deb topilgan futbolchi o'z g'alabasi haqida gapirdi.
"2021-yilda Polshaning eng yaxshi sportchisi unvonini olish men uchun juda kutilmagan hodisa bo‘ldi. Meni bu yo‘lda qo‘llab-quvvatlab turgan barcha muxlislarimga minnatdorchilik bildiraman. Oilamga rahmat - rafiqam, qizlarim, onam, singlim Milena. Siz mening tayanchimsiz va sizsiz men bu yutuqlarga erisha olmagan bo‘lar edim. Murabbiylarim va jamoadoshlarimga rahmat aytmoqchiman. Bundan keyin yanada yaxshiroq o‘ynashda davom etaman. 2022 yil Polsha sportida ko‘plab muvaffaqiyatlarga boy bo‘lishini chin dildan tilayman", — deb yozdi Levandovski o‘zining Instagram sahifasida.
Eslatib o‘tamiz, Levandovski 2021-yil yakunlari bo‘yicha "Oltin to‘p" uchun kurashda ikkinchi bo‘lgan va sovrin Fransiyaning "PSJ" klubining argentinalik hujumchisi Lionel Messiga nasib etgandi.
Avvalroq, Robert Levandovski "Real Madrid"ga o‘tmoqchiligi va polshalik futbolchi yangi rekord o‘rnatgani haqida xabar berilgandi.
Jamshidbek Amirov
