2023-yilda global iqtisodiyot o‘sishi sekinlashadi
Bunga pandemiya, beqaror inflyatsiya, moliyaviy stress va boshqa omillar sabab bo‘ladi.
Jahon banki 2023-yilga kelib global iqtisodiy o‘sish sekinlashishini bashorat qildi. Bu shuni anglatadiki, 2022-yil davomida iqtisodiyot olti oy oldin bashorat qilinganidan 0,2 % sekinroq o‘sadi. Jahon bankining eʼlon qilingan “Jahon iqtisodiyoti istiqbollari” hisobotida ushbu maʼlumotlar qayd etildi.
Prognozning yomonlashishiga davom etayotgan COVID-19 epidemiyasi, fiskal rag‘batlantirishni qisqartirish, taʼminot muammolari, inflyatsiyani beqarorlashtirish, kutilmagan moliyaviy stress va mumkin bo‘lgan iqlim ofatlari taʼsir ko‘rsatdi. Hisobotga ko‘ra, rivojlangan mamlakatlarda o‘sish 2021-yildagi 5 foizdan 2022-yilda 3,8 foizga va 2023-yilda 2,3 foizgacha pasayadi. Iqtisodiyoti kam rivojlangan mamlakatlarda o‘sish 2021-yildagi 6,3 foizdan 2022-yilda 4,6 foizga va 2023-yilda 4,4 foizga tushishi taxmin qilinmoqda. 2023-yil so‘ngiga borib barcha rivojlangan davlatlar ishlab chiqarishni to‘liq tiklashga erishadi.
Avvalroq "Omicron" shtammi tufayli jahonda aviatsiya sohasi katta zarar ko‘rgani haqida xabar qilingandi.
Nasiba To'xtayeva
