Afg‘onistonda "svet" yondi: O‘zbekiston elektr yetkazib berishni yana ko‘paytirdi
Seshanba kuni texnik muammolar tufayli elektr energiya eksporti keskin kamaygandi.
O‘zbekiston Afg‘onistonga elektr energiyasini to‘liq hajmda yetkazib berishni tikladi. Bu haqda “Sputnik Uzbekistan” xabar berdi.
Seshanba kuni Afg‘onistonning DABS energetika kompaniyasi O‘zbekiston tarafdan keladigan elektr energiyasi 60 foizga qisqarganini maʼlum qilgan. Toshkent buni texnik sabablarga bog‘liq ekanini aytgan. Maʼlumotlarga ko‘ra, Marjon elektr stansiyasida texnik muammolar vujudga kelgan.
Elektr yetkazib berishdagi uzilishlar Afg‘onistonning 16 viloyatiga taʼsir qilgan. DABS‘ning maʼlum qilishicha, 13 yanvardan boshlab import hajmi to‘la tiklandi.
Avvalroq “Tolibon” davlat xizmatchilari maoshini g‘alla bilan to‘lamoqchi ekanligi to‘g‘risida xabar berilgandi.
