Og‘ir nuqsonlari bor bolalar bog‘chada bepul tarbiyalanadi

 

Quyidagi kasalliklar mavjud bolalar uchun bog‘cha puli to‘lanmaydi:

 

- nutqidagi og‘ir nuqsonlar (rinolaliya, duduqlanish, bolalar afaziyasi, ruhiy-nutqiy rivojlanishda orqada qolish);

 

- eshitishdagi og‘ir nuqsonlar (II — IV darajadagi karlik);

 

- ko‘rishdagi og‘ir nuqsonlar (ko‘zi ojizlar, bir ko‘zi soqqasi yo‘qligi (anoftalm), ambliopiya va g‘ilay bo‘lgan zaif ko‘radiganlar);

 

- tayanch-harakatlanishidagi nuqsonlar (bosh miya, bo‘yin, ko‘krak qafasi, umurtqa, bo‘g‘imlar va oyoqlar operatsiyalarining barcha turlaridan keyingi holati; bo‘yin, ko‘krak qafasi, umurtqaning idiapatik deformatsiyalari; kifoz; lordoz; kifoskolioz; oyoq panjalari falaji; tayanch-harakatlanish aʼzosi rivojlanishi anomaliyalari; artrozoartritlar; ostexondropatiya;

xondrodistrofiya; bolalar serebral falaji; meningoensefalitga chalingandan keyin hamda tug‘ruq asoratlaridan keyingi tayanch-harakatlanish aʼzolarining barcha patologiyalari (gemiparez, paraparez, monoparez va shu turdagi plegiyalar); poliradikulonevritlar va ularning asoratlari);

 

- psixik rivojlanishda orqada qolish (aqliy orqada qolish (aqliy faoliyatining orqada qolishi va aqliy zaiflikning yengil darajasi);

 

- murakkab nuqsonlar (rivojlanishda ikki va undan ortiq nuqsonlar mavjudligi); 

 

- sil kasalligining ilk ko‘rinishi (sil kasalligi bilan kasallangan bemor bilan bir oiladan (xo‘jalikdan) bo‘lib aloqada bo‘lganlar, tubviraj), shuningdek sil kasalligidan keyingi tiklash davri.

 

Eslatib o‘tamiz, avvalroq Davlat-xususiy sheriklik asosidagi oilaviy bog‘cha: uni qanday ochish mumkinligi hamda Samarqanddagi bog‘chada go‘shtni o‘g‘irlagan shaxslar jazolangani haqida xabar berilgandi.

 

Cho‘lponoy Ahmedova