Jizzaxda kuchli shamol manzarali daraxtlarni ildizi bilan qo’porib tashladi
Avvalroq O’zgidromet respublikaning ayrim hududlarida shamol 17-22 m/s gacha kuchayishi haqida ogohlantirgandi.
O’zgidrometning “G’allaorol” kuzatuv stansiyasi ma’lumotiga ko’ra, bugun viloyatda 25 m/s gacha bo’lgan tezlikdagi shamol esishi kuzatilgan.
Kuchli shamol G’allaorol tumanining “Qo’ytosh” mahallasida noyob turdagi 25 tup archa daraxtlarini ildizi bilan yiqitgan.
Avvalroq Andijondagi perinatal markaz hududida 12 tup daraxtlar qonunga xilof ravishda kesilgani haqida xabar berilgandi.
Javohirbek TURSUNOV
