Navoiyda ikki nafar o‘qituvchiga avtomobil sovg‘a qilindi
Mazkur o‘qituvchilarning 100 ga yaqin o‘quvchilari Oliy taʼlim muassasaga o‘qishga qabul qilingan.
Xalq taʼlimi Matbuot xizmatining xabariga ko‘ra, Navoiy viloyati Navbahor tumanida o‘zining fidoyiligi, mehnatsevarligi bilan o‘quvchilarga taʼlim va tarbiya berib kelayotgan ikki nafar o‘qituvchiga prezident sovg‘asi sifatida “Cobalt” avtomobili sovg‘a qilindi.
Avtomobil sovg‘asi topshirilgan 1-maktabning fizika fani o‘qituvchisi Sohiba Navro‘zova hamda 20-maktabning geografiya fani o‘qituvchisi Obidjon Saidahmedov o‘z faoliyatlari davomida yuzlab bitiruvchilarni oliy taʼlim muassasalariga o‘qishga kirishiga hissa qo‘shgan.
Maʼlumot uchun: Navbahor tumanida o‘tgan 2021-yil bitiruvchilarining 76,6 foizi OTMga o‘qishga kirdi.
Eslatib o‘tamiz, avvalroq Davlat Bobonov Prezident sovg‘a qilgan uyni borib ko‘rgani hamda Tokio Olimpiadasi ishtirokchisi Rayhona Qodirovaga "Nexia 3" avtomobili sovg‘a qilingani haqida xabar berilgandi.
Cho‘lponoy Ahmedova
