Shvetsiya ko‘chalarni tozalashning noodatiy usulidan foydalanmoqchi
Unda qarg‘alardan foydalaniladi.
Shvetsiyaning "Corvid Cleaning" kompaniyasi qarg‘alarni shahar ko‘chalaridan mayda chiqindilarni oziq-ovqatga almashtirishga o‘rgatish dasturini ishga tushirdi. Bu haqda "Dagens Nyheter" xabar berdi.
Mutaxassislar qushlarga axlat yig‘ishni, ularni maxsus mashinaga solishni o‘rgatishlari kerak, qarg‘alar buning evaziga oziq-ovqat oladi.
"Qarg‘alarni o‘rgatish osonroq va ularning bir-biridan o‘rganish ehtimoli katta. Shu bilan birga, bu qushlarning noto‘g‘ri axlat yeyish xavfi kamroq", — degan kompaniya asoschisi Kristian Gyunter-Xanssen.
Pilot loyiha amalga oshiriladigan birinchi shahar sifatida Stokgolm yaqinida joylashgan Sedertele shahri tanlangan. Dastlabki hisob-kitoblarga ko‘ra, agar ushbu tajriba ishga tushsa, mahalliy hokimiyat organlarining ko‘chalarni tozalash xarajatlari 75 foizga kamayishi mumkin.
Ma‘lumotlarga ko‘ra, har yili Shvetsiya ko‘chalarida milliarddan ortiq sigaret qoldig‘i qoladi, bu barcha chiqindi ulushining 62 foizini tashkil qiladi.
Nasiba To'xtayeva
