Isroil prezidenti tarixda ilk bor BAAga rasmiy tashrif bilan bordi
U tashrif davomida BAAdagi EXPO xalqaro ko'rgazmasida Isroil kunini ochadi.
Isroil prezidenti Istxak Gersog va uning rafiqasi valiahd shahzoda Muhammad bin Zoidning taklifiga binoan Birlashgan Arab Amirliklariga ilk rasmiy tashrif uchun uchib ketdi. Ushbu tashrif mamlakatlar orasidagi munosabatlar yaxshilanayotganini anglatadi.
Prezident Abu-Dabi va Dubayga tashrif buyurib, Abu-Dabi valiahd shahzodasi, BAA tashqi ishlar va xalqaro hamkorlik vaziri Shayx Abdulla bin Zoid Ol Nahayon, BAA vitse-prezidenti, Bosh vaziri va Dubay amiri Muhammad bin Rashid bilan rasmiy uchrashuvlar o‘tkazadi.
Shuningdek, tashrif davomida BAAdagi EXPO xalqaro ko'rgazmasida Isroil kunini ochadi.
Avvalroq Isroil Eron bilan ehtimoliy qurolli mojaroga tayyorlanayotgani xabar qilingan edi.
