Zarur bo‘lsa, AQSH harbiylari Ukrainaga tashlanadi — Pentagon
Shu bilan birga ular harbiy harakatlarda qatnashmaydi.
AQSHning Yevropadagi qo‘shimcha kuchlari Ukrainaga ham jo‘natilishi mumkin. Bu haqda Pentagon rasmiy vakili Jon Kirbi maʼlum qildi.
“Bizning kuchlarimiz turli missiyalarni bajarishga qodir va har qanday vaziyatga tayyor turadi”, – degan Kirbi.
Uning qo‘shimcha qilishicha, AQSH askarlari Ukrainadagi harbiy operatsiyalarda ishtirok etmaydi. Ular asosan evakuatsiyaga ko‘maklashish bilan shug‘ullanadi. Ammo Kirbi harbiylarning missiyasi haqida aniq maʼlumot bermagan va ularning Yevropaga jo‘natilishining muddati haqida hech narsa gapirmagan.
Maʼlumot o‘rnida: So‘nggi oylarda G‘arb Rossiyaning Ukrainaga bostirib kirishi mumkinligini aytib kelmoqda. O‘z navbatida Moskva bu kabi ayblovlarni rad etyapti.
Avvalroq Ukraina Rossiya va Xitoy o‘rtasidagi kelishuvlarda vosita sifatida baholangandi.
