Bill Geyts — yozuvchi
Milliarder pandemiya to‘g‘risida kitob yozdi.
Microsoft asoschisi Bill Geyts kelajakdagi pandemiyalarni oldini olish haqida kitob yozdi. Bu haqda “RIA Novosti” xabar berdi.
Kitob "Qanday qilib keyingi pandemiyaning oldini olsa bo‘ladi?" deb nomlanadi. Xabarda aytilishicha, u 2022 yil mayida nashrdan chiqadi.
"Kitobda nafaqat keyingi pandemiyalarni to‘xtatish, balki butun dunyoda barcha uchun samarali sog‘liqni saqlash tiziminm yaxshilash bo‘yicha aniq qadamlarni yozganman. Men ushbu pandemiyadan olishimiz kerak bo‘lgan saboqlarni va odamlar hayotini asrab qolish uchun zarur innovatsiyalarni bayon qilaman" — degan Geyts.
Shuningdek, milliarder ommaviy sog‘liqni saqlash tizimi rahbarlari, xususan, AQSH bosh infeksionisti Entoni Fauchi va JSST bosh direktori Tedros Adanom Gebreyesus bilan suhbatlarini yoritishga ham vaʼda bergan.
Bill Geyts pandemiya borasida doimiy ravishda bir qancha fikrlarni bildirib o‘tgan. Xususan, avvalroq u “omicron” tufayli ko‘pchilikda koronavirusga qarshi immunitet paydo bo‘lishini maʼlum qilgandi.
Jahongir Qo‘ziyev
