“Baxtiqaro” Beyl yana Angliyaga qaytadi
U shu yerda faoliyatini yakunlamoqchi.
Madridning “Real” klubi hujumchisi Garet Beyl faoliyatini “shporlar”da yakunlamoqchi. Shu sababli futbolchi “Tottenhem”ga qaytishga harakat qilmoqda. Bu haqda “Fichajes” nashri xabar bermoqda.
32 yoshli Beylning ispan klubi bilan shartnomasi joriy mavsum oxirida yakuniga yetadi. Joriy mavsumda uelslik hujumchi Ispaniya La Ligasining to‘rtta o‘yinida bitta gol urdi.
Eslatib o‘tamiz, Beyl 2007-yildan 2013-yilga qadar “Tottenhem” klubida to‘p surgan. O‘tgan mavsumda u “shporlar” tarkida ijara asosida o‘ynadi. Garet ingliz klubi safida jami 237 ta o‘yin o‘tkazib, 72 ta gol urgan va 61 ta golli uzatmani amalga oshirgan. Beylning transfer qiymati 5 million yevroga baholanmoqda.
Avvalroq, Beylning jismoniy holati haqida maʼlumot berilgani va “Milan” Teo Ernandes bilan yangi shartnoma imzolagani haqida xabar qilingandi.
Jamshidbek Amirov
