Pekindagi 24-Qishki Olimpiada o’yinlari yakunlandi
Birinchi o’rin Norvegiyaga nasib etdi.
O‘yinlarning so‘nggi kunida 5 ta yo‘nalishda medallar to‘plami o‘ynaldi.
Shuningdek, Xokkey sport turidan final bahsi bo‘lib o‘tdi. Unda Finlyandiya terma jamoasi Rossiya ustidan g‘alabaga erishib, Olimpiada oltin medalini qo‘lga kiritdi.
Qishki Olimpiyada yakunlariga ko‘ra, Norvegiya terma jamoasi 16 ta oltin, 8 ta kumush va 13 ta bronza medallarini jamg‘argan holda musobaqani peshqadam sifatida yakunladi. Ikkinchi o‘rin Germaniyaga nasib etdi (12-10-5). Uchinchi o‘rin esa Xitoy (9-4-2) bo‘ldi.
Ushbu musobaqada O‘zbekiston delegasiyasi nomidan qatnashgan sportchi Komiljon To‘xtayev slalom yo‘nalishi bo‘yicha 29-o‘rinni qayd etdi.
