Parij va Dehli okeanlarni birga boshqarmoqchi
Hindiston tashqi ishlar vaziri fransuzlar bilan bu borada kelishuvga erishgan.
Fransiya va Hindiston okean va uning resurslarini o‘zlashtirishda hamkorlik bo‘yicha “yo‘l xaritasi”ni ishlab chiqdi. Bu haqda “TASS” Hindiston TIV bayonotiga asoslanib xabar berdi.
Fransiya tashqi ishlar vaziri Jan Iv Le Drian 20-fevral kuni Parijda hindistonlik hamkasbi Subramaniyam Jayshankar bilan uchrashuvda okean bo‘sicha kelishuvga erishgan.
“Tomonlar Hindiston va Франциянинг.... “moviy iqtisodiyot” hamda okeanlar boshqaruvi bo‘yicha yo‘l xaritasini qabul qildi”, – deyiladi Hindiston TIV tarqatgan xabarda. Qo'shimcha qilinishicha, Parij va Dehli “moviy iqtisodiyot”ni o‘z jamiyatlari taraqqiyotining harakatlantiruvchi kuchiga aylantirmoqchi.
Har ikki davlat okeanlar to‘g‘risidagi fanga va ularning saqlab qolinishiga hissa qo‘shish niyatida. Shuningdek, ular dengiz savdosi, portlar, baliq ovlash, ilmiy izlanishlar va okeanlarni kuzatishni o‘z ichiga oladigan hind-fransus hamkorligini yo‘lga qo‘ymoqchi ekanligi aytilgan.
Eslatib o‘tamiz, avvalroq Hind generali Dehli uchun asosiy xavf qaysi davlatdan kelishini maʼlum qilgandi.
Jahongir Qo‘ziyev
