Ҳинд генерали Деҳли учун асосий хавф қайси давлатдан келишини маълум қилди
Шунингдек, у Ҳиндистон ҳар қандай агрессив ҳаракатга жавоб қайтаришга тайёрлигини айтган.
Хитой Ҳиндистон хавфсизлиги учун энг катта хавф сифатида баҳоланди. Бу ҳақда Ҳиндистон мудофаа штаби бошлиғи генерал Бипин Рават маълум қилган.
Раватнинг фикрича, Деҳли ва Пекин ўртасидаги чегара масаласини ҳал қилиш учун ўзаро ишонч етишмапти. Генерал икки давлат вакиллари ўртасида ўтган ойда бўлиб ўтган музокараларнинг 13 раунди амалда ҳеч қандай натижа бермади. Оқибатда томонлар чегара яқинида қўшин тўплашни давом эттирмоқда. “Ҳиндистон чегара чизиғида ҳам, денгизда ҳам ҳар қандай авантюраларга тайёр”, – деган Рават.
Маълумот ўрнида: Ҳиндистон ва Хитой Шарқий Ладакҳ ҳудудига даъво қилиб келади. 2020 йил май ойида икки давлат чегарачилари ўртасида низо келиб чиқди. Амалда бу ҳудуд Хитой томонидан назорат қилинади.
Аввалроқ Хитой Ҳиндистон билан чегарада катта қўшин тўплаётгани тўғрисида хабар қилинганди.
Жаҳонгир Қўзиев
