BMT bosh kotibi Putinga iltimos bilan chiqdi
Shuningdek, u urushning dahshatli oqibatlaridan ogohlantirgan.
Rossiyaning Ukraina sharqidagi maxsus operatsiyasi BMT Ustavi tamoyillariga zid va uni o‘tkazishdan maʼno yo‘q. Bu haqda tashkilot bosh kotibi Antoniu Guterrish maʼlum qildi.
U RF prezidentiga murojaat qilib “Prezident Putin, butun insoniyat uchun, qo‘shinlaringizni Rossiyaga qaytaring”, – degan. Shu bilan birga u ayni vaziyat uning tashkilot bosh kotibi sifatidagi faoliyatining eng ayanchli payti ekanini aytgan.
Guterrishning so‘zlariga ko‘ra, agar urush tugamasa, Yevropada gumanitar vaziyat halokatli darajaga yetadi.
Maʼlumot o‘rnida: Rossiya 24 fevral kuni Ukraina sharqida maxsus operatsiya o‘tkazishni boshladi. Hozirda Ukrainaning ko‘plab harbiy obyektlariga aviazarbalar berilgan. Odessaga Rossiya desanti tushirilgani aytilmoqda.
Eslatib o‘tamiz, avvalrok Vladimir Zelenskiy Ukraina aholisiga murojaat bilan chiqqandi.
