Roskomnadzor rossiyaliklarning Facebookka kirishini cheklaydi
Ijtimoiy tarmoq "inson huquq va erkinliklarini buzish"da ayblanmoqda.
Roskomnadzor Rossiyada Facebook’ga kirishni qisman cheklashga qaror qildi. Bungacha ijtimoiy tarmoq mahalliy OAV akkauntlarini cheklagan edi. Bu haqda Roskomnadzor matbuot xizmati xabar berdi.
“24-fevral kuni Facebook ijtimoiy tarmog‘i Rossiyaning to‘rtta ommaviy axborot vositalari: Zvezda telekanali, RIA Novosti axborot agentligi, Lenta.ru va Gazeta.ru internet saytlarining rasmiy akkauntlarini chekladi”, — deyiladi nazorat organi bayonotida.
Roskomnadzor 2022-yil 25-fevraldan boshlab ijtimoiy tarmoqqa kirishni qisman cheklaydi.
Avvalroq Rossiya Google kompaniyasini qariyb 100 million dollar jarimaga tortgan edi. Moskvada sud Amerika korporatsiyasini Rossiya qonunchiligini qayta-qayta buzganlikda aybdor deb topdi.
Bungacha Rossiyada Twitter sekinlashgan edi. Roskomnadzor Amerika ijtimoiy tarmog'ini Rossiya Federatsiyasi hududida butunlay blokirovka qilish bilan tahdid qilmoqda. Taxminlarga ko'ra, 2017 yildan beri Twitter nomaqbul kontentni o'chirish bo'yicha so'rovlarni e'tiborsiz qoldirib kelmoqda.
