Rossiya bilan Ukraina o‘rtasidagi ikkinchi raund muzokaralari yakunlandi
Ikki tomon vaqtinchalik o‘t ochishni to‘xtatish bo‘yicha kelishib olishgan.
Muzokarada Kiyev kutilgan natijalarni olmadi, dedi Ukraina prezidenti ofisi rahbarining maslahatchisi Mixail Podolyak.
Tomonlar tinch aholini evakuatsiya qilish, oziq-ovqat va dori-darmon yetkazib berish uchun gumanitar yo‘laklarini birgalikda taqdim etish bo‘yicha kelishuvga erishgan.
Shuningdek, evakuatsiya qilinadigan joylarda o‘t ochishni to‘xtatish imkoniyati muhokama qilingan. Bu davrda tomonlarning o‘zaro aloqasi uchun maxsus aloqa kanallari tashkil etiladi.
Podolyakning so‘zlariga ko‘ra, muzokaralarning uchinchi raundini imkon qadar tezroq o‘tkazish rejalashtirilgan.
Rossiyalik vakillar ba’zi masalalar bo‘yicha ikki tomon o‘zaro tushunishga erishganini tasdiqlagan. Erishilgan kelishuvlar yaqin kunlarda eng yuqori darajada mustahkamlanadi.
