“Uzbekistan Airways” Rossiya shaharlariga parvozlar jadvalini o‘zgartirdi
3-martidan 26-martigacha O‘zbekiston — Sochi — O‘zbekiston yo‘nalishida qo‘shimcha qatnovlar joriy etildi.
Rossiya tomonidan havo hududi bir qismi yopilishi bilan bog‘liq cheklov choralarini hisobga olgan holda, "Uzbekistan Airways" joriy yil 3-martidan 26-martigacha O‘zbekiston — Sochi — O‘zbekiston yo‘nalishida qo‘shimcha qatnovlar joriy etilganini maʼlum qildi.
Qo‘shimcha reyslar kiritilganidan kelib chiqib, quyidagi yo‘nalishlar bo‘yicha qatnovi to‘xtatilgan:
HY3687/3688 va HY9687/9688 Toshkent — Krasnodar — Toshkent yo‘nalishi bo‘yicha;
HY9647/9648 Toshkent — Rostov-Don — Toshkent yo‘nalishi bo‘yicha;
HY9825/9826 Namangan — Krasnodar — Namangan yo‘nalishi bo‘yicha parvozlar.
Yo‘lovchilar ayeroportlarga belgilangan vaqtdan oldinroq kelishi kerak. Shuningdek, Krasnodar va Rostov-Don shaharlariga - shaharlaridan avval bekor bo‘lgan parvozlar yo‘lovchilari aviachiptalari to‘liq qiymatini chipta sotib olingan joyda qaytarib olish yoki 2022-yil 3-martdan boshlab har qanday bo‘sh sanaga bepul qayta bronlash huquqi mavjud.
