Putin Zelenskiy bilan muzokara o‘tkazish niyatida emas
Hozircha prezidentlar uchrashuviga hojat yo‘q — Peskov.
Kreml matbuot kotibi Dmitriy Peskov bergan bayonotga ko‘ra, Rossiya prezidenti Vladimir Putin Ukraina rahbari Vladimir Zelenskiy bilan muzokara o‘tkazish niyatida emas.
Peskovning taʼkidlashicha, muzokaralarda hozircha prezidentlar uchrashuvi haqida gap yo‘q.
"Bilasizmi, kecha muzokaralarning ikkinchi raundi bo‘lib o‘tdi. Endi navbat uchinchisiga keldi. Delegatsiyalar uchun keraksiz vositachilarsiz bir-biri bilan aniq muloqot qilish imkoniyati mavjud. Bizning pozitsiyamizning elementlari Ukraina tomoni eʼtiboriga havola etildi", dedi u. Prezidentlarning uchrashuvi ehtimoli haqidagi savolga javob berarkan.
Shuningdek, u Belarus yetakchisi Aleksandr Lukashenko Rossiya Federatsiyasining Ukrainadagi xatti-harakatlarini qo‘llab-quvvatlashini bildirdi.
Bir kun avval Zelenskiy Putinni u bilan muzokara stoliga o‘tirib, Ukrainadan nima istayotganini tushuntirishga va urushni tugatishga chaqirgandi.
Eslatib o‘tamiz, ikki davlat o‘rtasidagi muzokaralar chog‘ida gumanitar yo‘laklar va karvonlar bo‘yicha nazariy kelishuv paydo bo‘lgan, biroq hozircha bosqinchilar bosib olingan hududlarga insonparvarlik yordamini kiritmayapti.
Shuningdek Belarus rahbari Ukraina nizosi tez orada tugashini taxmin qilgandi.
