Jahon

Yamanda janglar kuchaydi: Saudiya koalitsiyasi husiylarning 60 ta obyektiga zarba berdi

Mamlakatning Taiz viloyatida hukumat kuchlari va husiylar o‘rtasida shiddatli janglar davom etmoqda.

Yamanda janglar kuchaydi: Saudiya koalitsiyasi husiylarning 60 ta obyektiga zarba berdi

Saudiya Arabistoni boshchiligidagi koalitsiya kuchlari Yamanda husiylarning 60 ta harbiy obyektiga qarshi aniq zarbalar berdi. Shuningdek, guruh ballistik raketalarni ta’mirlash ustaxonalari va ularni saqlash joylari sifatida ishlatgan tunnellar vayron qilingan. Bu haqda koalitsiya vakili Turki al-Malikiy ma’lum qildi, deb xabar berdi Al Jazeera.

 

Uning so‘zlariga ko‘ra, zarbalar seshanba kuni Sano, Hudayda, Amron va Saada viloyatlarida amalga oshirilgan. Bu husiylar Yamanning xalqaro miqyosda tan olingan hukumati vaqtinchalik poytaxti hisoblangan Aden shahri tomon siljiyotgan bir paytga to‘g‘ri kelgan.

 

So‘nggi kunlarda Yaman armiyasi va unga sodiq kuchlar Aden mudofaasini kuchaytirish maqsadida Bob al-Mandab bo‘g‘ozi atrofidagi hududlar hamda Zubab aeroportidan chekingan. Mamlakatning Lahij viloyati Tur al-Baha hududida ham hukumat kuchlari va huaiylar o‘rtasida janglar qayta boshlangan.

 

Taiz shahrida bo‘lib turgan Al Jazeera muxbirining xabar berishicha, hududda hukumat kuchlari va husiylar o‘rtasida shiddatli to‘qnashuvlar kuzatilmoqda. Mahalliy hokimiyat husiylarni tinch aholi va turar joylarni o‘qqa tutishda ayblamoqda.

 

Jabal Sabr hududidagi qishloqlar to‘liq qurshovda qolgan. Tinch aholini xavfsiz olib chiqish uchun yo‘laklar ochish talabi bilan murojaatlar qilinmoqda. Shuningdek, hududda merganlar tomonidan tinch aholiga qarshi hujumlar davom etayotgani, ular oqibatida, asosan, ayollar va bolalar halok bo‘layotgani, jarohatlanayotgani bildirilgan.

 

Taiz ma’muriyati husiylarni nazorat punktlari tashkil etib, tinch aholidan turli yig‘imlar undirish hamda litsenziyaga ega bo‘lmagan dori-darmon va tibbiy vositalar yuklarini musodara qilishda aybladi.

 

Taiz sog‘liqni saqlash va aholi masalalari boshqarmasi dushanba kuni e’lon qilgan bayonotida bu harakatlarni dori-darmon xavfsizligiga tahdid va aholining tibbiy yordam olish huquqini buzish deb baholadi.

 

Mahalliy rasmiylar BMTni vaziyatga aralashishga chaqirgan. Ularning ta’kidlashicha, husiylar Adendan Taizga yuborilayotgan tibbiy vositalarning hududga kirishiga to‘sqinlik qilmoqda. Bu esa davom etayotgan qamalni yanada kuchaytirib, davolanishga muhtoj minglab bemorlarning hayotini xavf ostida qoldirmoqda.

 

Ayni paytda Saudiya Arabistoni boshchiligidagi koalitsiya chorshanba kuni husiylar tomonidan Ar-Riyod tomon uchirilgan ikkita qanotli raketa tutib qolinganini bildirdi.

 

Husiylarning harbiy vakili Yahyo Sari guruh Ar-Riyod yaqinidagi neft haydash stansiyalari hamda Saudiya Arabistonining janubidagi radar qurilmasini nishonga olganini ma’lum qildi. Saudiya Arabistoni rasmiylari bu bayonotga hozircha munosabat bildirmagan.

 

Chorshanba kuni Saudiya Arabistonining Jizon, Najron va Xamis Mushayt shaharlarida xavf haqida ogohlantiruvchi signallar yangragan. Keyinchalik xavf bartaraf etilgani bildirilgan.

Tailandda toza suv muammosi: bunga Myanmadagi konlar sabab bo‘lmoqda

Tailandda toza suv muammosi: bunga Myanmadagi konlar sabab bo‘lmoqda

Tailandning Myanma bilan chegaradosh hududida suv manbalarida mishyak miqdori belgilangan me’yordan 25–30 baravar yuqori ekani aniqlandi.

Toshkentdagi Umra mojarosi: Qirg‘iziston fuqarolariga qo‘shni davlatlar orqali safar qilmaslik aytildi

Toshkentdagi Umra mojarosi: Qirg‘iziston fuqarolariga qo‘shni davlatlar orqali safar qilmaslik aytildi

12-noyabrdan beri 104 nafar qirg‘izistonlik ziyoratchi Toshkentda qolib ketgan.

Dunyoda 240 millionga yaqin o‘smir yetarlicha jismoniy faol emas — JSST

Dunyoda 240 millionga yaqin o‘smir yetarlicha jismoniy faol emas — JSST

Ularning atigi 14 foizi haftaning barcha kunlarida kamida bir soatdan faol harakat qiladi.

Ukrainaga yana 45 milliard yevro: Yevropa Komissiyasi yangi yordam paketini taklif qildi

Ukrainaga yana 45 milliard yevro: Yevropa Komissiyasi yangi yordam paketini taklif qildi

Bu mamlakatning kelgusi yilgi 70 milliard yevrolik moliyaviy ehtiyojining uchdan ikki qismini qoplaydi.

Putin va Si Szinpin uchrashuvi yakunlandi: nimalar muhokama qilindi?

Putin va Si Szinpin uchrashuvi yakunlandi: nimalar muhokama qilindi?

Bu yil boshidan buyon ularning beshinchi uchrashuvi bo‘ldi.

Patriot tizimlari va raketa qurilmalari nishonda: Eron Quvaytdagi AQSh harbiy bazasiga hujum qildi

Patriot tizimlari va raketa qurilmalari nishonda: Eron Quvaytdagi AQSh harbiy bazasiga hujum qildi

Avvalroq Bahrayndagi AQSh radar stansiyasi ham nishonga olingan edi.

72 soatlik kuzatuv natijasi: Turkiyada o‘zbekistonlik fuqaro qurolli hujumda gumonlanmoqda

72 soatlik kuzatuv natijasi: Turkiyada o‘zbekistonlik fuqaro qurolli hujumda gumonlanmoqda

Niqob taqqan ikki kishi haydovchidan mashinadan tushishni talab qilgan. U bo‘ysunmay, qochishga uringanida avtomobilga qarata o‘q uzilgan.

AQSh razvedkasi Eron tahdidi haqida xabar berdi, Tehron esa buni inkor qildi

AQSh razvedkasi Eron tahdidi haqida xabar berdi, Tehron esa buni inkor qildi

Eron AQSh OAVlaridagi xabarlar keyingi tajovuz uchun bahona yaratishga qaratilganini bildirgan.