Bizga pul kerak, lekin odamlar o‘lmoqda – Aleksandr Cheferin
UEFA “Gazprom”siz katta moliyaviy yo‘qotishlarga duch keladi.
UEFA "Gazprom" bilan shartnomani bekor qilgach, katta moliyaviy yo'qotishlarga duchor bo'ladi, ammo shunga qaramay, bu qaror to'g'ri. Bu haqda tashkilot prezidenti Aleksandr Cheferin ma'lum qildi.
Uning tan olishicha, siyosatchilar uzoq vaqtdan beri futbol ittifoqini bunga chaqirib kelishgan, vaholanki, Yevropaning o‘zi Rossiyadan gaz sotib olishda davom etmoqda.
"Biz "Gazprom" bilan kelishuvni buzgan holda to'g'ri ish qildik. Bizga pul kerak, lekin odamlar o'lmoqda. Va men Rossiyani bu aloqani uzish haqida oldindan ogohlantirdim. Men qo'rqoq emasman, yashirincha hech narsa qilmayman. Biz Chempionlar ligasi finalini Rossiyadan oldik va sport sanksiyalarini qo'lladik", - deb Cheferin so'zlarini keltirmoqda Corriere della Sera.
