Italiyada ukrainalik qochqinlar bo‘lgan avtobus ag‘darilib ketdi
Hodisa oqibatida bir ayol halok bo‘lgan, bir necha kishi jarohatlangan.
Italiya shimolida ukrainalik qochqinlar bo‘lgan avtobus ag‘darilib ketdi. Bu haqda Euronews xabar bermoqda.
Voqea oqibatida bir kishi halok bo'ldi, deya xabar beradi Italiya davlat radiosi. Hodisa qurboni ayol bo‘lgan. Yana bir necha kishi jarohatlangan. Avtobusda jami 50 ga yaqin yo‘lovchi bo‘lgan. Halokat sabablari o'rganilmoqda.
Baxtsiz hodisa Emiliya-Romanya mintaqasidagi Forli shahri yaqinida sodir bo'lgan. Voqea joyida qutqaruvchilar ishlamoqda. Avtobus qayerga ketayotgani noma'lum.
Malumot uchun: Ukrainadagi urush tufayli 35 mingga yaqin odam Italiyaga qochgan. Emiliya-Romanya viloyati allaqachon yetti ming ukrainalik qochqinni qabul qilgan.
