Tramp AQSH tarixidagi eng sharmandali voqeani aytdi
Shuningdek, u Bayden nimadan qo‘rqishini ochiqlagan.
Bayden Rossiyaning yadro qurolidan qo‘rqadi. Bu haqda AQSH sobiq prezidenti Donald Tramp ma’lum qildi.
Sobiq prezident bu haqda Floridadagi tarafdorlari oldidagi chiqishida aytgan. Tramp an’anaga ko‘ra, davlat ichki va tashqi siyosatini tanqid qilgan. Xususan, u joriy administratsiyani “Afg‘onistondagi dahshatli taslim bo‘lish”da ayblagan.
“Bizda afg‘on inqirozi bor edi, men uni tariximizdagi eng sharmandali davr deb bilaman. Endi esa Ukraina inqirozi, bu o‘ta yirik gumanitar inqiroz. Bayden yadro quroliga ega davlat (Rossiya)ga hujum qilib bo‘lmasligini aytdi. Biz (AQSH) qo‘rqamiz”, degan Tramp.
Avvalroq Tramp nima uchun Putinni to‘xtatib bo‘lmasligiga izoh bergandi.
