NATO harbiy tayyorgarlikni kuchaytiradi
Alyans mintaqa sharqida to‘rtta yangi taktik guruh tuzishga qaror qildi.
NATO yetakchilari Bolgariya, Vengriya, Ruminiya va Slovakiyada to‘rtta yangi taktik guruh tuzishga kelishib oldilar.
“Rossiya harakatlariga javoban biz NATOning mudofaa rejalarini faollashtirdik, NATOning javob kuchlari elementlarini joylashtirdik va sharqiy qanotimizga 40 ming askarni, shuningdek, alyansning bevosita qo‘mondonligi ostidagi muhim havo va dengiz kuchlarini joylashtirdik. ”, - deyiladi Shimoliy Atlantika alyansi mamlakatlari davlat va hukumat rahbarlarining Bryusselda bo‘lib o‘tgan sammit yakunlari bo‘yicha bayonotida.
NATO yetakchilari “barcha sohalarda barcha ittifoqchilarning xavfsizligi va himoyasini taʼminlash uchun” chora-tadbirlar va qarorlar qabul qilinganini eʼlon qildi. NATO bu choralarni profilaktik, mutanosib va keskinlikka olib kelmaydigan choralar deb ataydi.
Sammit ishtirokchilari, shuningdek, "so‘nggi o‘n yilliklarda Yevro-Atlantika xavfsizligiga eng jiddiy tahdidni hisobga olgan holda" uning "uzoq muddatli to‘xtatib turish va mudofaa pozitsiyasini" sezilarli darajada mustahkamlashga va ishonchni taʼminlash uchun zarur bo‘lgan jangovar qobiliyatlarning to‘liq spektrini rivojlantirishga vaʼda berishdi.
“Biz kimyoviy, biologik, radiologik va yadroviy tahdidlarga ham qarshi tayyorgarligimizni oshiramiz”, dedi NATO yetakchilari.
Siyosatchilat keyingi qarorlar Madridda qabul qilinishini maʼlum qildi.
