AQSH Moskvaga sanksiyalarni chetlab o‘tishga yordam berganlarni ham jazolash niyatida
Shuningdek, Vashington cheklovlar orqali Rossiya rahbariyatiga taʼsir o‘tkazmoqchi.
AQSH Rossiyaga qarshi sanksiyalarni chetlab o‘tadigan xorijiy kompaniyalarga ikkilamchi sanksiyalar joriy etishi mumkin.
Bu haqda AQSH prezidentining milliy xavfsizlik bo‘yicha maslahachisi Jeyk Sallmvan maʼlum qildi.
“Rossiyaga qarshi taqiqlarga amal qilishga majburlovchi bir qancha instrumentlar bor. Ulardan biri – AQSH joriy etgan cheklovlarga amal qilmagan yoki uni aylanib o‘tishga harakat qilayotgan uchinchi davlatlarning yuridik va jismoniy shaxslarini qo‘ra ro‘yxatga kiritish. Hozirgi bosqichda dunyodagi barcha davlat va kompaniyalar tomonidan buning oqibatlarini yaxshi anglaydi. Agar bunga zarurat tug‘ilsa, biz bu choralarni qo‘llashga tayyormiz”, – degan Sallivan.
Shu bilan birga hozirda AQSH va Yevropada yana-da og‘ir sanksiyalar joriy etish uchun imkoniyat mavjud ekanligi maʼlum qilingan. Ammo Sallivanning so‘zlariga ko‘ra, ayni damda eng muhim vazifa Rossiyaning sanksiyalarni aylanib o‘tishiga yo‘l qoldirmaslik hisoblanadi. Uning fikricha, bu Moskva uchun oqibatlarni yana-da og‘irlashtiradi.
“Haqiqatdan ham biz sanksiyalar Rossiya iqtisodiyotiga bosim o‘tkazish va cheklash orqali yana-da sezilarli taʼsir o‘tkazadi deb hisoblaymiz. Shu tariqa bu ular (Rossiya hokimiyati vakillari – tahririyat)ning istiqboldagi dunyoqarashini shakllantiradi”– deb qayd etgan Sallivan.
Avvalroq AQSH Moskvani yaqin istiqboldagi asosiy xavf sifatida ko‘rayotgani maʼlum qilingandi.
