Erdo‘g‘on va Putin Rossiya-Ukraina muzokaralarini Istanbulda o‘tkazishga kelishib oldi
Turkiya ikki davlat bilan ham aloqalarini davom ettirish niyatida.
Turkiya va Rossiya prezidentlari Rajab Toyyib Erdo‘g‘on va Vladimir Putin yakshanba kuni Ukrainadagi voqealar yuzasidan muzokara o‘tkazdi, deb xabar bermoqda Sabah.
Shu bilan birga, ikki davlat rahbarlari Rossiya va Ukraina o‘rtasidagi navbatdagi muzokaralar joyi Istanbul bo‘lishiga kelishib oldi.
Erdo‘g‘an, shuningdek, Ukrainada o‘t ochishni to‘xtatishga imkon qadar tezroq erishish zarurligini, Turkiya gumanitar yordam ko‘rsatishga tayyorligini bildirgan.
Avvalroq Erdo‘g‘on Turkiya ham Ukraina, ham Rossiya bilan aloqalarni davom ettirayotgani, uning diplomatiyasining asosiy vazifasi vaziyatni tartibga solishga erishish ekanini aytgan edi.
