0
BMT vertolyoti Kongoda halokatga uchradi
Voqea oqibatida 8 nafar harbiy halok bo‘ldi.
Birlashgan Millatlar Tashkilotining Kongo Demokratik Respublikasidagi tinchlikparvar missiyasi tomonidan boshqarilgan vertolyot halokatga uchradi. Bu haqda Al Jazeyera xabar berdi.
U isyonchilar va Kongo armiyasi o‘rtasida janglar davom etayotgan hududga qulagan. Voqea oqibatida sakkiz kishi halok bo‘ldi. Falokat sabablari bo‘yicha tergov ishlari davom etmoqda.
Vertolyot bortida bo‘lgan harbiy xizmatchilarning olti nafari Pokiston fuqarosi, yana biri rossiyalik, bir esa serbiyalik bo‘lgan.
Pokiston Bosh vaziri Imron Xon bu voqeadan chuqur qayg‘uda ekanini bildirdi, uning idorasi mamlakat qurolli kuchlarining global tinchlikka qaratilgan sa’y-harakatlariga hurmat bajo keltirdi.
