Bursa — Turk dunyosining madaniyat poytaxti
Ayni daqiqalarda Turkiyaning Bursa shahrida “TURKSOY” xalqaro tashkiloti tashabbusi bilan tadbir o‘tkazilmoqda. Unda qatnashayotgan Zamon.uz sayti Bosh muharriri Moʻtabar Nurmuhammedova tadbirning yorqin lahzalarini sizlar bilan bo‘lishadi.
Mana, 10 yildirki, “TURKSOY” xalqaro tashkiloti har bir "Turkiy dunyo madaniyati poytaxti" deb tanlangan shaharda tashkilotga aʼzo davlatlarning sanʼati va madaniyatini ochib beruvchi fotoko‘rgazma tashkil etish anʼanasini yo‘lga qo‘ygan.
2021-yilning sentyabr oyida Xiva shahrida bo‘lib o‘tgan “TURKSOY” doimiy kengashining 38-majlisida Turkiya shimoliy-g‘arbidagi Bursa shahri “Turk dunyosi madaniyat poytaxti” sifatida eʼtirof etildi. Bursa shahri 2022 yil davomida ko‘plab muhim tadbirlarga mezbonlik qiladi.
Hozirgi kunga qadar bu maqom Nur-Sulton, Eskishehir, Qozon, Marv, Turkiston, O‘sh va Xiva shaharlariga berilgan.
