"Balki bu Istanbulda bo‘lar" — Zelenskiy Putin bilan uchrashuv haqida gapirdi
Shuningdek, u Rossiya bilan muzokaralarga nima majbur qilganini ochiqladi.
Ukraina prezidenti Vladimir Zelenskiy Rossiya bilan muzokara olib borishni istamasligini, ammo kelishuvlarga erishish uchun bunga majbur bo‘layotganini maʼlum qildi. Bu haqda siyosatchi Turkiyaning "Xaber Turk" telekanaliga bergan intervyusida aytgan.
"Har qanday sharoitda ham muzokaralar uchun kichik bo‘lsa-da, imkoniyat yaratilishi kerak. Hozirda vositachilik rolini u yoki bu yetakchi o‘ynamoqda, Turkiya ulardan biri. Biz qanchalik xohlaylik yoki xohlamaylik, agar odamlarimiz hayotini saqlab qolishni istasak, hal kuni ularni qutqarish uchun qadam tashlashimiz kerak", — degan u.
Shuningdek, u Putin bilan uchrashuv haqida gapirar ekan:
"Вalki bu Istanbulda bo‘lar. Menimcha, bu uchrashuvda nima bilan gap boshlab, tugatishimiz muhim emas. Bu yerda men ancha pragmatik bo‘laman. Biz kelishuvga erishishimiz kerak bo‘lgan masalalar bor", — deb qo‘shimcha qilgan prezident.
Avvalroq Zelenskiy Ukrainaning ehtimoliy xavfsizlik kafolatchilari haqida gapirgandi.
