Хo‘jaylida ona o‘z qizlarini kaltaklagani bo‘yicha rasmiy izoh berildi
Ma’lum qilinishicha, voqeaga er-xotin o‘rtasidagi kelishmovchilik sabab bo‘lgan.
Ijtimoiy tarmoqda noma’lum ayol farzandlariga ozor berayotgani aks etgan videolavha tarqaldi. Holat yuzasidan IIV matbuot kotibi rasmiy izoh berdi.
Ma’lum qilinishicha, ayol 2021-yil iyul oylaridan boshlab turmush o‘rtog‘i bilan o‘rtalaridagi o‘zaro kelishmovchilik sabab o‘zining ikki nafar voyaga yetmagan qizlarini urib, ularga azob berib kelgan. Bu bo‘yicha fuqaro 29 mart kuni tuman IIB boshlig‘i nomiga ariza bilan murojaat qilib, erkakka nisbatan qonuniy chora ko‘rishda amaliy yordam berishni so‘ragan
Shuningdek, 9 aprel kuni ijtimoiy tarmoqda yana bir fuqaro 3 va 5 yoshli voyaga yetmagan farzandarini har xil so‘zlar bilan haqoratlab, ularning ojiz ahvoldaligini bila turib, do‘pposlayotganligi tasvirlangan video tarqaldi.
Hozirda mazkur holat yuzasidan O‘zbekiston Respublikasi JKning 110-moddasi 2-qismi “a,v” bandlari bilan jinoyat ishi qo‘zg‘atilib, gumonlanuvchiga nisbatan prosessual cheklov chora belgilash masalasi ko‘rilmoqda.
