Obameyang: “Dembele “Barselona”da qolishi kerak”
Hujumchi fransiyalik futbolchining o‘yiniga ijobiy baho berdi.
“Barselona” hujumchisi Per-Emerik Obameyang Ispaniya chempionatining 31-turida “Levante”ga qarshi o‘yindagi g‘alaba haqida fikr bildirdi.
“O‘ylaymanki, bugun biz faollikni pasaytirdik, ayniqsa birinchi bo‘limda. Ikkinchi bo‘limda yaxshiroq o‘ynadik. Pedri va Gavi juda yaxshi harakat qilishdi. O‘yin juda qiyin bo‘ldi. Birinchi bo‘limda unchalik yaxshi o‘ynamadim. Usmon meni yaxshi biladi. U o‘ng tomonga o‘tsa, men doim tayyor bo‘lishim kerak. Menimcha, Dembele jamoada qolishi kerak”, — deya “Marca” nashri Aubameyangning so‘zlaridan iqtibos keltirdi.
Usmon Dembele 2017 yil “Borussiya Dortmund” klubidan “Barselona” safiga qo‘shilgan edi. 24 yoshli Dembele joriy mavsumda “Barsa” tarkibida barcha turnirlarda 22 ta o‘yinda maydonga tushib, 2 ta gol urdi. Obameyang esa barcha musobaqalarda 14 o‘yinda 10 ta gol urgan.
Avvalroq, Holandning holati haqida maʼlumot berilgani va qo‘shiqchi Shakira qamalishi mumkinligi haqida xabar berilgandi.
Jamshidbek Amirov
