Sirdaryoda 7 kilogramm vaznli chaqaloq tug‘ildi
Hozirda ona va chaqaloqning sog‘lig‘i yaxshi.

Sirdaryo tuman tibbiyot birlashmasi akusherlik kompleksida 7 kilogramm vaznli qiz chaqaloq dunyoga keldi. Bu haqda viloyat hokimligi axborot xizmati xabar berdi.
Tibbiyot birlashmasi bosh shifokorining aytishicha, chaqaloq kesarcha kesish amaliyoti orqali olingan. Hozirda ona va chaqaloqning sog‘lig‘i yaxshi.
Ta’kidlanishicha, u tug‘ruq bo‘limida tug‘ilgan eng vazni katta chaqaloq. Bolaning onasi 24 yoshli ayol. Bu uning birinchi farzandi.








