Bayden Ukrainaga tashrif buyurishga tayyor
AQSh xavfsizlik nuqtai nazaridan safar haqida oldindan xabar bermaydi
AQSh prezidenti Jo Bayden 14-aprel kuni Ukrainaga tashrif buyurishni xohlashini aytdi va uning ma'muriyatidan urushdan vayron bo'lgan Kiyevga yuqori martabali amaldorni yuborish haqidagi xabarni tasdiqladi. Bu haqda “Daily Mail” xabar berdi.
Prezident Ukrainaga borishga tayyormisiz degan savolga “Ha” deb javob bergan.
Avvalroq AQSh ma’muriyati Ukrainani qo‘llab-quvvatlashini namoyish etish maqsadida Kiyevga AQShning yuqori martabali mulozimini yuborish bo‘yicha ichki muhokamalar olib borayotgani haqida xabar bergan edi. Kiyevga safar qilish uchun eng ehtimoliy nomzodlar AQSh Davlat kotibi Entoni Blinken yoki Mudofaa vaziri Lloyd Ostin bo‘lishi mumkin.
Ma'muriyat AQSh prezidentining o'zi va AQSh vitse-prezidenti Kamala Xarrisning nomzodlarini ham ko'rib chiqmoqda.
AQSh hukumati Kiyevga kimnidir joʻnatishga qaror qilsa, xavfsizlik nuqtai nazaridan safar haqida oldindan xabar bermaydi.
Eslatib o‘tamiz, avvalroq Polsha, Latviya, Litva va Estoniya prezidentlari poyezdda Kiyevga borgani ma’lum qilingandi.
