Saudiya Arabistoni va AQSH munosabatlari yanada sovuqlashmoqda

 

Rossiya-Ukraina harbiy to‘qnashuvi fonida Vashingtonning Saudiya Arabistoni bilan munosabatlari yana-da sovuqlashdi. Bu haqda The Wall Street Journal yozmoqda.

 

Gazetaning Amerika va saudiyalik amaldorlarga tayanib bergan maʼlumotiga ko‘ra, ikki tomonlama munosabatlar so‘nggi o‘n yillikdagi "eng past bosqichga yetdi".  Hatto 2019 yilda saudiyalik jurnalist Jamol Qoshiqchining o‘ldirilganda ham aloqalar bu darajada sovuqlashmagan. O‘sha paytda prezidentlikka nomzod bo‘lgan Jozef Bayden Ar-Riyodni quvg‘indi davlatga aylantirishga vaʼda bergandi.

 

Bu jarayon 2022 yilda, Ukraina inqirozi avjiga chiqqan paytda davom ettirildi. Gazeta manbalarining taʼkidlashicha, Oq Uy Saudiya Arabistoni bilan muloqotda neft qazib olishni ko‘paytirish va shu orqali uning narxini pasaytirishga chaqirgan. Ammo qirollik bunga hech qanday munosabat bildirmagan.

 

"Oxir-oqibat Saudiya valiahd shahzodasi Muhammad bin Salmon Jeyk Sallivan [Baydenning milliy xavfsizlik bo‘yicha maslahatchisi] Jamol Qoshiqchi o‘limi masalasini ko‘targanda baqirgan va bundan buyon ushbu masalani AQSH bilan muhokama qilmasligini aytgan. Shuningdek, u Vashington neft qazib olishni ko‘paytirish bo‘yicha iltimosini esdan chiqarishi mumkinligini qo‘shimcha qilgan", — degan nashr manbalaridan biri.

 

Shuningdek, ayrim maʼlumotlarga ko‘ra, bu kelishmovchiliklar ortidan  Pentagon rahbarining Ar-Riyodga tashrifi bekor qilingan. rasman bu rahbariyat grafigida yuz bergan o‘zgarish bilan bog‘liqligi aytilgan bo‘lsa-da, o‘sha kuni Saudiya Arabistonida Rossiyaning xalqaro sanksiyalar ostidagi amaldori bilan muzokaralar o‘tkazilgan.

 

Avvalroq Saudiya va BAA yetakchilari Bayden bilan gaplashishni istamagani maʼlum bo‘lgandi.