Rossiya “maxsus operatsiya”sining ikkinchi bosqichidan ko‘zlangan maqsad nima?
Mudofaa vazirligi javob berdi.
Rossiya armiyasi “maxsus operatsiya”ning ikkinchi bosqichida Donbass ustidan to‘liq nazorat o‘rnatmoqchi. Bu haqda RF markaziy harbiy okrugi qo‘mondoni o‘rinbosari general-mayor Rustam Minnekayev maʼlum qildi.
“Maxsus operatsiyaning ikkinchi fazasi boshlandi, armiyaning maqsadlaridan biri – Donbass va Janubiy Ukraina ustidan to‘liq nazoratni o‘rnatish”, – degan u.
Minnekayevning qo‘shimcha qilishicha, Donbassning to‘la egallanishi Qrim bilan quruqlik orqali bog‘lanish imkoniyatini beradi. Janubiy Ukrainani nazoratga olishdan maqsad esa “Dnestrbo‘yiga chiqish”.
Maʼlumot o‘rnida: Dnestrbo‘yi de-yure Moldova hududi hisoblanadi.
Avvalroq Ukraina mudofaa vaziri BMT va YEXHTni boshqa xalqaro institutlarga almashtirishni taklif qilgandi.
