Nigeriyada noqonuniy neft zavodi portladi
Hodisa oqibatida 100 kishi halok bo‘lgan.
Nigeriya janubida joylashgan Imo shtatidagi noqonuniy neftni qayta ishlash zavodida kuchli portlash yuz berdi. Oqibatda 100 kishi halok bo‘lgan.
Oldinroq Gʻarb OAVlari ikkita yoqilg‘i saqlash omborining yonishi natijasida yuzaga kelgan portlash natijasida 50 dan ortiq odam halok bo‘lgani haqida xabar bergan edi.
Rasmiylar hodisaga aloqador ikki kishini qidirmoqda. Shuningdek, portlashdan keyin Nigeriya neft vazirligi neft sanoatidagi noqonuniy faoliyatga qarshi kurashda ko‘proq harakat qilishini aytgan.
Eslatib o‘tamiz, avvalroq Nigeriya hukumati mamlakat bir yil ichida noqonuniy faoliyat sabab neft daromadidan kamida 3 milliard dollar yo‘qotganini ma’lum qilgandi.
