Saudiyalik shahzodalarga pul yetishmayapti — The Wall Street Journal
Gazeta qirollik oilasi aʼzolarining “kambag‘allashuvi” sabablarini ochiqladi.
Saudiya Arabistoni qirollik oilasi aʼzolari so‘nggi yillarda 600 million dollarlik mulk sotgan. Bu haqda The Wall Street Journal gazetasi xabar berdi.
Bunga so‘nggi yillarda valiahd shahzoda Muhammad bin Salmon tomonidan moliyaviy siyosatning qatʼiylashtirilishi sabab bo‘lgan. Gazeta maʼlumotlariga ko‘ra, avvalroq qirollik xonadoni vakillari har oyda g‘aznadan 30 million dollar olib turgan. Ammo valiahd shahzoda endilikda ularning ko‘plab daromad manbalaridan mahrum qilgan. Xususan, shahzodalar bundan buyon davlat hisobidan xorijda dam ololmaydi, shuningdek, suv va elektrga o‘z yonidan pul to‘laydi. Bundan tashqari, beshtadan ortiq uy xizmatchilari uchun 2.5 ming dollar jarima to‘lanishi kerak. Bu Saudiya Arabistoniga bir necha yuz million dollar mablag‘ tejash imkonini beradi.
Gazetada taʼkidlanishicha, qirollik oilasining ayrim aʼzolariga xizmatkorlar shtatini taʼminlash va ko‘plab to‘lovlar uchun naqd pul yetishmaydi. Boshqalar esa ortiqcha eʼtiborni tortmaslik uchun keraksiz mulklarni sotib yuborgan.
Masalan, mamlakatning AQSHdagi sobiq elchisi Banden bin Sulton al Saud Buyuk Britaniyada umumiy qiymati 155 million dollar bo‘lgan hashamatli uyini, ikki yaxta va qimmatli buyumlarini sotib yuborgan. O‘z navbatida uning vakili buni shahzodaning Saudiyaga investitsiya kiritish istagi bilan bog‘lagan.
Avvalroq Saudiya Arabistoni va AQSH munosabatlari yana-da sovuqlashgani to‘g‘risida xabar berilgandi.
