Turkiyada inflyatsiya yil oxirigacha pasayadi — ekspertlar
Iqtisodchilar Turkiyada inflyatsiya shu yilning iyun oyidan pasaya boshlashini taxmin qilmoqda.
Mamlakat bosh moliya regulyatori rahbari Sh. Kavdjiog‘luning so‘zlariga ko‘ra, mamlakatda o‘rtacha inflyatsiya darajasi 2022 yil oxirida – 42,8 foiz, kelasi yil oxirida – 12,9 foiz, 2024 yil yakunida esa 8,3 foizni tashkil etishi prognoz qilinmoqda.
«Hozirda biz inflyatsiya darajasi joriy yilning may oyidan keyin mantiqiy ravishda pasayishni boshlashini ko‘ryapmiz. Iqtisodchilarning aytishicha, bu moliyaviy ko‘rsatkich kutilganidan past bo‘lishi mumkin. Bundan tashqari, ushbu iqtisodiy vaziyatda 500 turk lirasiga teng banknot va 5 liralik tanga chiqarish rejalashtirilmagan», — dedi u.
Mart oyida Turkiya inflyatsiya tadqiqot guruhi ENAG yillik inflyatsiya darajasi 142,63% bo‘lganini maʼlum qildi. Bu Turkiya Statistika Institutining (TÜIK) rasmiy ko‘rsatkichidan ikki barobar ko‘pdir. Xuddi shu oydagi ko‘rsatkich 61,14% ni tashkil etdi.
